Solicitude á Xunta de Galicia dun Plan de restauración integral da Alameda de Vigo

DOCUMENTO 2. ALAMEDA. SOLICITUDE DUN PLAN INTEGRAL DE RESTAURACIÓN

Escrito remitido á Xunta de Galicia

[Os Antecedentes e exposición xeral son os mesmos que no Documento 1]

SOLICITUDE

Á vista dos resultados do informe técnico do Areeiro sobre a grave situación do arborado da Alameda de Vigo e das malas prácticas de usos e mantemento constatadas e relacionadas no noso escrito de 23/12/2025 (num 2024/3579978) e corroboradas no informe do Areeiro, solicitamos ao órgano competente da Xunta de Galicia:

1. A colaboración co Concello de Vigo na elaboración dun plan integral de restauración e conservación da Alameda, que inclúa:

• Solicitude á Estación Fitopatolóxica do Areeiro, como institución pública de referencia nesta materia, dun estudo xa exhaustivo sobre o estado do Xardín e propostas de saneamento e conservación.
• Actuacións urxentes de mellora do solo, descompactación e aporte de materia orgánica.
• Recomposición do deseño propio do xardín, segundo criterios recollidos na Carta de Florencia, recompoñendo a imaxe deturpada pola actuación masiva de hai unha década de transformación nunha sorte de xardín tropical, enchendo parterres de fentos arborescentes e palmitos, alleos a calquera momento da evolución deste xardín e ao seu estilo e época (atendendo á última reforma histórica, a realizada nos anos 40 pola familia xardineira Turc).
• Reposición de árbores caídas ou talladas con exemplares da mesma especie.
• Podas exclusivamente de saneamento e conservación, executadas por persoal cualificado.
• Monitorización fitosanitaria periódica, con informes técnicos independentes.
• Eliminación de todos os elementos alleos ás árbores, como cables, bandeiras e parafusos.

Agardamos unha resposta formal e inmediata da Xunta de Galicia, comprometéndose a adoptar as medidas necesarias para garantir a preservación e restauración deste espazo senlleiro.

Ir a Documento 1

Ir a Documento 3